Woh Chehra

Dhundli si ek parchayi toh hamesha se hi mann mein basi thi..

Lagta ki jab yeh sapnon ke badal hatenge tab saamne aajayega woh chehra…

Woh chehra jiski hassi se yeh zindagi hasin lage..

Woh chehra jiski baton mein waqt ka kabhie pata hi nahi chale..

Woh chehra jiski roshani se sabhi ko dher sari khushiyan mile..

Lagta yeh chehra sapnon se kabhie bahar hi nahi aayega..

Kyunki mohabbat toh ab sirf sapnon mein karne ki himmat rakhte hai hum..

Par najane dil ne ek aanjane chehre ko dekhar ishara diya..

Woh chehra aanjaa ho kar bhi bahut apna sa laga..

Woh chehra jiski khamoshi bhi mujhse baat karne lagi..

Woh chehra jiski ek shikan se mera dil bharne laga..

Woh chehra jiski aankhein naajane mujhse kitne wade karne lagi..

Woh chehra jo ab sapon se bhi pyaara lagne laga..

Woh chehra jis pe yeh dil phir se mohabbat karne  laga…