Aashiyana

Khwaashion ke iss jahan mein

Kuch aadhe kuch pure khwaab sajayein

Kabhie pislein aur kabhie tej raftaar se

Kadam ko bewkoof banakar masti mein chalayein

Dil ka haal jo bhi ho..hassi ko ek dusre se udhar lekar

Pyar ke takiye par aansun tapkayein

Kal ke taale ko chodkar aaj ki chabi dhunde

Aur Haaton se tali bajakar dhun kuch nayi banayein

Gum ka batwaara karke kabhie tera kabhie mera pet bharlein

Takdeer ko apni mila kar zara pairon ko felakar sapnon ka mazza le lein

Roz udte udte apne pankhon ko tez hum banayein          

Kabhie shakar kabhie bina shakar ki chai ki chuski se din ko kuch khaas banayein

Gusse ko chappal banakar ghis de usse bhi chalte chalte

Bachpan ki yaadon se tasveer ek nayi banayein

Harkaton se apni pagalpan ki aadatein dal lein

Khuli aankhon mein bhi nasha kuch aisa dal lein

Bhul jayein hum apne aap ko kuch aisa aashiyana hum banaye

Khwaashion ke iss jahan mein

Kuch aadhe kuch pure khwaab sajayein

Chal apne aiynee ko ek duusre ke sayyein se hum sajayein