Koshish

Koshishein kabhie nahi thakti
Aur hairani ki baat hai ki woh kabhie ruuthti bhi nahi
Kuch Karne ki chahat bhi koshish aur Kuch na Karne ki majburi bhi
Insaan toh thakk jata hai par saali koshish nahi thakti
Ajeeb sa nasha hai koshish ka
Apne aap ko apne aap se milati hai
Aur apne aap se ladati bhi hai
Log kehte hain ki Koshishon ki Jeet hoti hai toh kabhie haar
Kya yeh kehna sahi hai?
Kyunki Woh toh chalti jaati hai, mud jati hai  jahan raasta dikhe hain wahan
Waqt ke aagey nidhar khadi rehti hai
Thoda waqt Shayad zarur Leti hai par koshish kabhie haarti nahi